Kodanchery: വേളംങ്കോട് സെന്റ് ജോർജസ് ഹയർ സെക്കൻഡറി സ്കൂളിൽ അന്തർ ദേശീയ ചെറു ധാന്യ വർഷത്തോടനുബന്ധിച്ച് സ്റ്റേറ്റ് എൻ.എസ്.എസ് സെൽ നിർദ്ദേശിച്ച പദ്ധതിയായ ശ്രീ അന്നപോഷൺ മാഹിൻ്റെ തിരുവമ്പാടി ക്ലസ്റ്റർ തല ഉദ്ഘാടനം തിരുവമ്പാടി ക്ലസ്റ്റർ കോർഡിനേറ്റർ രതീഷ് T നിർവ്വഹിച്ചു.
ചെറു ധാന്യങ്ങളായ മണിച്ചോളം, ഉഴുന്ന്, ചെറു പയർ, വൻ പയർ എന്നിവ സ്ക്കൂളിൻ്റെ പോളി ഹൗസിൽ നിലമൊരുക്കി വിതച്ചു കൊണ്ടാണ് പദ്ധതിക്കു തുടക്കം കുറിച്ചത്. സ്ക്കൂൾ പ്രിൻസിപ്പൽ ബിബിൻ സെബാസ്റ്റ്യൻ, സിസ്റ്റർ സുധർമ്മ , വോളണ്ടിയേഴ്സായ അൻസിറ്റ പീറ്റർ, അലീഷ ജിമ്മി എന്നിവർ പ്രസംഗിച്ചു. വോളണ്ടിയർ ലീഡേഴ്സ് ഫേബ മത്തായി, ഗൗതം പി രാജു, ബ്രിൻ്റോ റോയ്, ലിയ ജോസഫ്, പ്രോഗ്രാം ഓഫീസർ സ്മിത കെ എന്നിവർ പദ്ധതിക്കു നേതൃത്വം നൽകി
